| Alawi さんのプロフィール«`׉]¦[ ALAWI ALOOY ]¦[‰...フォトブログリスト |  ツール  ヘルプ |
«`׉]¦[ ALAWI ALOOY ]¦[‰×`»♥ تَعََّلَمْتْ أَزَيَنْ ضِحْكِتِيْ وٌالْقْلُوُبْ أَسْرَارْ...عَلَى إِنِيْ بْخِيِرْ بْعِيِنْ مَنْ يَّجْهَلّ أَحْزَاَنَيْ ♥ |
|||||
|
|
=+=+= الى الغالية =+=+=بسم الله الرحمن الرحيم
فـي اشـراقة يــوم جـديـد ,,
انــهـض من النوم ,,
انــظـر للـسـاعـة ,,
و كــأنـهـا بــدت لــي كــدهــر ,,
انــتـظـر اللـقـاء بـيـننا ,,
اجهز نفسي بينما يأتي سائق الحافلة ,,
و اظل انتظر النداء كي اذهب للمحطة ,,
ادخل الحافلة ,, أفكر في المكان الذي سوف تجلس فيه ,,
انها ظل القمر ,, توت الشجر حين تنظر لي ترغمني على النظر ,,
لست ممن يهوى كتابة الشعر ,,
لكن احاول التعلم كلما سنحت لي الفرصة ,,
اوقات افكر فيها ماذا يعني ان نشتاق ,,؟
تمعنت و عشت هذه اللحظة ,, ادركت فيها ان الكلمة جدا متعبة ,,
متعبة ,, نفسياً و جسدياً ,, و تجعل القلب و العقل يفكران ,,
في تلك التي اسرت قلبي و فؤادي ,,
لحظة من اللحظات ,,,
,, تلك التي حين تكون جادة ارهب تلك اللحظة ,, لا ادري لماذا ! حين تكون جادة اشعر بتقشعر جسمي و اشعر بالتوتر مع اني رجل ...
و لكن الرجل يملك احاسيس و مشاعر ,, ليس كل رجل يقوى على جدية المرأة ,,,
حين اصل لذلك المكان .. الذي التقينا فيه اول مرة ,, انا و هي ,,
تذكرت خجلها و حلاوة لسانها ,, لن انسى تلك الاحاسيس البريئة ,,
التي وجدتها في روحها ,,
روحها الطيبة و النقية ,,
شاهدت عينيها البريئتين البنيتين ,,
حقا ! في بعض الاحيان تحرجني ,,
لن اذكر السبب !
لكن ايا ثمرة فؤادي ,, هل يمكن لي ان احضى بقليل من الرحمة ؟
لا تعتبري كلامي يا تاج راسي و نور قلبي قاسياً !
احيانا يخونني التعبير و لا اعني كلامي حرفياً !
فعلميني كيف هواك ,, كيف اتنفسك ,, كيف اعشقكك ,,
كيف اشرب من كأسك ,, و آكل بملعقتك .
و سلامتكم  ♥ .... الى أعز الناس على قلبي .... ♥السلام عليكم و رحمة الله و بركاته
اللهم صلي على محمد و ال محمد
بسم الله الرحمن الرحيم
♥ كتبت خاطرة الى اعز الناس عندي
 يا ليت يقرأونها ♥♥ و تقريبا كتبتها الساعة 3:00 او 3:01 ما اذكر
 المهم ♥♥ هذي الخاطرة احسها تتكلم عني يعني
هيك شي يعني ♥♥ المهم هذي الصورة و منقولة بتصرف علشان لحد يقول شايفنها في النت
اي كلشي ولا الحقوق ♥ == اتمنى من الي في بالي بعد يشوفها
 == اهم واحد يشوفها ما اقصد الاهانة خخخ
كتبتها علشان الي ما يعرف للخط الي فوق
عـلقت الآمال بنظرتك .. و خابت آمالي
شـتـريدني اسوي يا عزيز الروح .. يا فيي و اظلالي انت الحـــــــــــــب لا عدو و لا صديق قدر .. ينسيني احلامي لا تظن في يوم أقدر انــسى .. آلامــي لا يا عـــيوني لو تبـــوسني مليون بوسة و لو تراضـيني بـبسبوسة و لو تنـظر لي ألـف نـظرة ابعد حبيبـي عنك هالفكرة لا تظن بسامـحك في مـرة لأنـــك و بكل صراحة دشـــيـــت قـــلــبــــــي مــــن اول نظـــــــــرة ♥ يا علي وش قد غلاك ساكنة بروحي
BY : علاوي علووي
ان شاء الله تعجبكم
 مع السلامة
-=_=- حب .. صداقة .. اخلاص و تعامل -= _=-السلام عليكم و رحمة الله و بركاته
اللهم صلي على محمد و آل محمد الطيبين الطاهرين و أهلك اعدائهم اجمعين
بسم الله الرحمن الرحيم
بداية حبايبي ابي اعطيكم نبذة عن الموضوع
الموضوع بسيط و هو عن الحب ,, الصداقة ,, الاخلاص و التعامل مع الناس << منوع
** الحب **
ما اعتقد احد ما مرت عليه هالكلمة
ذكرى لا تنسى قدمت فيها
اجمل ما عندك من كلمات
للحبيب الغالي
تشتاق له
تسأل عنه
تنتظره
تمازحه
تزعله
تراضيه
الي راحت كلها مشاعر اعجاب
و ما اعتقد توصل لحب الا اذا كبرت
و نضجت و فهمت معنى الحياة
حينها تعرف معنى الحب
الحب حلو و فن جميل و راقي
لو شنو نقول عن الحب ما بنخلص
** الصداقة **
من منا لم يكن له صديق او رفيق لدربه
صاحبٌ يُساند و صديقٌ صدوق
و تختلف انواع الصداقة
فمثلا الصديق الي يكون بجنبي
او اشوفه على الاقل في
الاسبوع 3 ايام على اقل تقدير
بس لا يمكن او ما اقدر ما اشوفه
على الاقل يوم في الاسبوع استجن خخخ
و الصداقة الثانية تكون تعارف ناس تعرفهم
تلتقي بهم في مجمعات مطاعم او اسواق
تشوفهم تسولف معاهم تتغير اطباعهم
و ذكرتني السالفة بأمس
رايح السوق و لا اشوف واحد يناديني
( سيد ,, سيد )
انا شفت الصبي ,, بس قلت يمكن ينادي اخوي
المهم تقدمت شوي علشان
اشوف الصبي الي ينادي
لان خبركم ما اشوف من بعيد عدل
تقريبا وصلت لبعد 10 امتار
من مكاني لمكانه
عرفته !!
هلا شخبارك (..) عساك طيب
او للحين يتذكرني
كان معاي في صف و ما كنا نتكلم واجد
في الصف يعني ما احتك وياه واجد
الصراحة سولفت وياه و احس كأنه واحد من الفريق
و لا كانه واحد صار ويايي في صف
الصراحة هالشخص طيب و تمام خخخ الله يخليه
** الاخلاص **
الاخلاص للرب ,, الاخلاص للام و الاب
الاخلاص للصديق ,, الاخلاص في العمل
الاخلاص في الحب ( للمتزوجين فقط
) اخلاصك لربك
تكون مخلص له في عبادته و في حب اهل بيته
و تضحي بدمك ,, بأموالك ,, بأولادك بكل شي
الاخلاص للأم و الاب
أخلص لأمك و ابوك و اخفض لهما جناح الذل
لا تقول ابوي يعطيني فلوس و بيذلني
في القرآن الله سبحانه قال و اخفض لهما جناح الذل من الرحمة
يعني لا تستصغر هالشي و امك و ابوك
تحطهم تاج على راسك مهما قسوا عليك و مهما ضربوك
هم ما سووا جدي الا علشان مصلحتك و كلن يدري بمصلحة عياله
** الاخلاص للصديق **
كن معطاء ,, كن ودود ,, كن خلوق مع ربعك
اصدقائك و مو اي اصدقاء اصدقاء الخير
الاصدقاء الي يبون مصلحتك و ما يبونك تنحرف
بس شقول هالزمن ما خلا صديق صالح
بس الله يهدي الجميع
مثلا صديقك بغى شي من عندك
لا ترده ,, اعطه بدون اهتمام يعني
لا تهتم في الشي الي عطيته اياه
افرض انكسر هالشي او اخترب
** تحت تراب رجوله **يخترب و لا تخترب صداقتك
يمكن يكون خير لك !!
انت ما تدري
الله يحفظ اصدقائكم لكم
** الاخلاص في العمل **
يالله تعجبني هالكلمة خخخ
اخلاص في العمل
تخيل انت رايح الشغل
و انتا رايح متحمس بتشوف ربعك
الا هم زملاء العمل
تقعد معاهم تسولف وياهم
تربط علاقتك بهالاوادم لانهم بيساعدونك واجد في الشغل
يمكن تقعد الصبح متكدر و لايعة جبدك
و ما فيك شدة تروح الشغل
بس عقب غسال الوجه
و تفريك الاسنان و الصلاة على النبيو لا ننسى الاستحمام
الخ الخ ...تالي تتحمس لفكرة الروحة للشغل
حتى لو الشغل متعبك
اتذكر هالسالفة
مرة قعدت الصبح و لايعة جبدي
مصنف ما اروح المدرسة
بس قلت يا ويلي ويلاه اليوم عملي
و لبس افرول بعد و شغل اليوم بنتعب
بس سويت واجبات الصباح من استحمام
و تفريك اسنان
و صلاة على النبيو حسيت روحي نشيط و مستانس
و عندي شوق للألتقاء بطلاب صفنا
و ابد وصلت المدرسة و مستانس
<< وينه الي ما يبي يروح خخخ
** الاخلاص في الحب **
كثير من الناس تخون احبائهم
و كثير من الازواج يخونون زوجاتهم و العكس صحيح
انتا عندك زوجتك و حبيبتك
و رفيقة دربك و حياتك
شلون تمشي وياها و تطالع غيرها ؟؟؟
لازم تحسس حبيبتك انك مخلص لها في حبك
اذا مشيت معاها جود ايدها
بعض الازواج يمشون ويا زوجاتهم
كان خداماتهم وياهم مو زوجات
انا ما اقول احضن زوجتك
و بوسها في الطريق قدام العالم لا خخخ
يعني حسسها قدام الناس انك زوجها
ما اقدر اوضح اكثر خخخ
لو متزوج علمتكم
** التعامل مع الناس **
عامل الناس معاملة طيبة
اكسبهم بأخلاقك
الام و الاب
اول ما يجيبون العيال
بابا .. لا تعيب على الناس
ماما .. لا تسب الناس
بابا .. ابتسم و لا تجعل للحقارة مجال في قلبك
ماما .. اذا واحد عطاك شي قول له شكراً
الخ الخ ..
ترى حتى العدو تكسبه بأخلاقك
اللي ديانته غير عن ديانتك تكسبه بأخلاقك
و أخيرا اودعكم
و نتمنى نشوف ردوكم
مع السلامة
 ارسلها لعشرة .. عشرين ما رسلتها الله ياخذ روحك .. افالسلام عليكم و رحمة الله و بركاته
اللهم صلي على محمد و آل محمد الطيبين الطاهرين و أهلك اعدائهم اجمعين
كيف حالكم عساكم بخير
 بسم الله
نبدي الموضوع
:: الموضوع ::
انتشرت في الاوساط ( الايميلاتية )
شي اسمه ارسلها لعشرة ( قرعان ) و هالسوالف استغفر الله البايخة  ليش يعني ؟؟؟
 لازم تزحمون ايميلاتنا
 بهالسوالفو الله ما اشوف حتى ليها داعي
 زحمة على الفاضي
و حتى رفيقي مطرش ليهم رسايل هههه
 يقول ليهم لا تطرشون شي ( الا يطرش بلوك كبر جبهته خخخ )
والله مللونا طرشوا و طرشوا
 والله الواحد الحين بدال ما يسوي ليه شغلة على النت
 قام كلا يطرش و يأذي خلق الله
هالموضوع ما ينسكت عليه
<< وش بتسوي يعني تهديد هو والله مو تهديد بس حبيت اخبر العالم
 حبايبي اذا لكم مصلحة في هالشي سووه بس اذا واحد منكم متملل او شي لا يقعد على الكمبيوتر
 لأن ان قعد و محترقة فيوزاته بلوة
انا مو قاصد احد في هالموضوع
بس حبيت اخبركم ان هالشي يمكن يزعج اشخاص كثر
و حتى استغفر الله ناس واجد يأمنون بهالشي
الي جت ليها السيدة زينب استغفر الله انا ما اقول ان أهل البيت ما عندهم معاجز
لعن الله الشاك
يالله .. معاجز اهل البيت محد يقدر يحصيها الا الله سبحانه
تدرون الاول اذا ادخل على الماسنجر القى رسالتين و ساعات ما احصل رسايل كلش
يوم القى 19 رسالة ! يوم القى 25 رسالة ! والله وكلهم عالفاضي  بعض الاوادم يضيفون و انا اقبل رايح و لا ادري شسالفة
ما ادري صادتني عقدة من هالسالفة يمكن اشيل اميلي الا اكيد ,, يعني من بيحتاجني ! استغفر الله
الله لا يحوجني حق احد ولا احد يحتاج لي
اذا عندكم ناس جدي كلموهم اذا صدق منقهرين من هالسالفة لأن اميلي الحين تقريباً 10 صفحات
و شكله كل صفحة 25 رسالة
يعني اجمعهم و شوف الناتج كم
 قولوا 100 رسالة في الاسبوع خخخ
في شهر كم !! حشى تصير شركة الرسايل انت خخ
و غير الي انتا محتفظ فيهم و غيره و غيره ..
 :: الخاتمة ::
اسمحوا ليي طولت في الموضوع بس ابي اوجه
رسالة للكل و يمكن بعض الناس فهموني غلط استسمح منهم
و اقول لهم انا ما اقصد احد في الموضوع بتاتاً
بس اخي المرسل بدال ما ترسل اشياء ما منها فايدة و مكررة و غيرك كاتبها
انت ابدع و سو حركات من عندك
 ترى الابداع ما له حدود
و الله يخليكم
مع السلامة  يا علي وش هالمرررر -_-السلام عليكم و رحمة الله و بركاته
اللهم صلي على محمد و آل محمد
بسم الله الرحمن الرحيم
اول شي شخباركم
انا الحين ما ادري ليش كاتب هالبلوق
المهم بقول ليكم انا متملل الحين
و مو عارف شسوي <<< تبي الجماعة ترقص لك والله
مو ترقصون بس ما في اشياء جديدة
في اشياء جديدة الا هو محسن الماسنجر ( الله يغربله )
هو من ناحية حلو ( حلو و فيه مميزات ) عجل ؟؟
بس الا ينزله من اول مرة يتعقد هذا اولا و ثانيا هالكمبيوتر الله يغربله سرعة 256 كب
و ( الله يغربله ) بطيء حده و ما يستحمل تحسينات هالوقت
انا خلاص نويت اركب رام 4 جيجا مرة وحدة
و لو في سعة مكتوب عليها 1,000,000 جيجا جان نزلتها
على الكمبيوتر << شدعوة ما بتنزل صبر امريكا ما خلت شي و لا اليابان
اي والله هالغرب سوو كل شي و العرب نايمين
طيح الله حظهم ما سوو الا مينو منتهي و طماط خايس
و لا شوفوا العصير عاد الا يقول طبيعي متروس شكر و ماي
 تعبنا و احنا نشرب في هالشكر و الماي
 يعني كلش ما فيه طعم خاصة هذا عصير الربيع
لين اشربه احس طعمه زفر الله يغربله
المهم طالع ,, من وين طلعنا من الالكترونيات دخلنا في المينو و العصير
المهم اذا عندكم شي تبون تقولونه
و تحطون حرتكم (
) فيه حطوه في هالموضوع و ربي يساعدكم
المهم نشوفكم على خير
مع السلامة
|
|
|||
|
|
